اخبار حفله هيثم شاكر .. بجامعه العاشر من رمضــ،ــآن

الرحمن الرحيم
انا مش عارف ابدأ ازاى بصراحه
انا خايف اقول الحفله كانت تجنن .. لانها مش هتتوصف كده
11.000 مهندس و بزنيس وغير الاطفال الى جم والكبار كمان

ولع الحفله الاول محمود العيسلى .. طبعا الى عمله .. ميتحكيش
نط ورقص وغنا وهيصه وطبله وكانت ظيطه بجد .. و فعلا انسان طيب اوى ورقيق جدا وبيحب الناس وبيعشق حاجه اسمها ظيطه ..
بدأ باغنيه ترارم .. ودخل بمجنونه معاها .. وبعدين كل ما يقول يلا يا فرقه
عايزين اغنيه هاديه ..
الحمد لله محدش كان بيسمع الكلام .. مسمعناش اغنيه هاديه من العيسلى من ساعه ما وصل
وعمل كام حركه كده .. هوسنا بجد .. بحركاته .. وسريع جدا جدا جدا فى الغنا
اسرع مغنى على العالم .. بسم الله ما شاء الله ..
وغنا لينا اغنيه من البومه الى لسه هينزل .. اسمها زمامير وبلالين وحاجات غريبه كده
الى انا فاكره منها بتقول .. نايمين .. نايمين .. صاحيين صاحيين .. فاقين .. او مش فايقين .. مش فارقه معانا كتير .. بلالين بلالين بلالين .. منفوخين منفوخين ........مش فاكر الباقى بصراحه بس كانت هايله والله وجميله جدا جدا جدا
والصور توصلكوا بعتين بقا

وبعدين دخل وليد الحريرى .. بصراحه مكنتش اعرف انه هو .. بس عرفت بعدين انه الحريرى
عمل شغل اسخن من العيسلى
طلع على المسرح .. وشغلولوا اغنيه حماقى .. احلى حاجه فيكى .. وفعلا ولعها .. برنس برنس برنس بجد
عمل شغل عالى جدا .. وانا كنت نايم بصراحه .. ماسك الكاميرا فيديو وصور بس
لقيته شغل اغنيه يا بنت الايه
تقريبا كنت اكتر واحد رقص فى الاغنيه دى
عملت شغل اكتر من الحريرى وكله بقا عارف انى بعشق تامر .. ولعتها وهيه اساسا ولعت لوحدها
وبعدين شغل عمرو دياب .. طبعا مكناش زى اغنيه تامر .. كنا اهدا شويه .. تامر اكتر اغنيه رقصنا عليها
وبعدين شغل اغنيه لحماقى تانى .. وبعدين قضاها اجنبى .. ميتال هيتس بقا ولينكن بارك .. و بام ايت اب .. كان جو عالى اوى اوى اوى

وبعدين دخل احمد فكرى
ده عندنا اساسا فى الجامعه بس عمل دويتو مع فنانه اسمها نهال .. ونزل كليب
ونزل البوم .. وهو ملحن اغنيه حدوته للبرنس .. قمــ،ــآح
وغنينا بس اعتذر ان نهال مش جت عشان حصل عندها ظروف كبيرة اوى
وهيصنا معاه برضه

صاحب السهره جه بقا .. هيثم شاكر
كانت دخلته قريبه من دخله نجم الجيل تمورة ..
الدخله بتاعته كانت جامده اخر حاجه .. لابس القميص الابيض والجينز الازرق والمايك الاسود .. وهاتك يا غنا .. قالنا انا معاكوا للصبح
وفعلا كان استقبال منا ليه حلو اوى .. وهو كان مبسوط اخر حاجه
واعترف بينا احسن جمهور فى الدنيا .. ده هيثم شاكر وعملنا كده .. امال لو تامر جه هنعمل ايه
دخل باغنيه خليك جنبى .. وفرحه جامده جدا .. ورقص وغنا وموبايلات طلعت وفلوس برضه اترميت ..
وانا اتقلبت بس مفيش مشكله .. وبعدين غنا اغنيه نظرة عين
مش هقولكوا ان هو غناها ..
احنا عملنا كل حاجه .. الاغنيه غناناها كلها تقريبا .. وهو معانا .. يعنى احنا كنا الى جايين نحى الحفله ..
مع ان عددنا كان قليل بس ولعت .. وبعدين غنا الى احنا قولنا عليه بصراحه
وكان فعلا مغنى مغنى متميز لاعلى الدرجات ..
عمل شغل محدش يعمله .. طبعا مش هينافس تامر فى الحوآر ده
وطبعا استعان بكام جمله من جمل تامر .. هو ده .. آصلى .. يلا السقفه الجامده .. يعنى كلام من صديقه وصاحبه
والحمد لله الحفله تمت على خير .. وكانت كل حاجه تمام

اه نسيت اقولكم
الحفله كانت يوم الجمعه الساعه 4.00 العصر .. فى الجامعه بتاعتى
H.T.I
جامعه العاشر من رمضـــ،ــآن ... وخلصت الساعه 10.00 بالليل
وطبعا كانت فرحه متتوصفش
وكان يوم جامد وكنت بتمنا انكوا تكونوا معايا
بس يلا تتعوض مرة تانيه .. تحيـ،ــــــــــــــــــــــــآتى
والصور هتوصل قريب

جامد