اتصال من حسام حبيب.....الحقيقة الكاملة......لجمهور تامر حسنى

فعلا اللى ما تعرفوش ماتجهلوش
ولا مش عارف بيقولوها ازاى

طبعا انا قلت قبل كدة انى حاولت اتصل بحسام اكتر من مرة بس ماقدرتش اوصلة
امبارح لقيت حسام بيتصل
طبعا ما صدقتش انة ممكن يهتم ويدور عليا تانى
انا كنت موصى كذا حد يقولة يكلمنى علشان كان لازم كلنا نسمعلة
المهم امبارح اتصل حسام
شخصية متواضعة ومحترمة وطيبة لأقصى درجة ممكن اى حد يتوقعها
امبارح دردشنا فى حاجات كتير اوى واساس كلامنا كان اللى حصل مع تامر
قالى اللى بينى وبين تامر اكبر من اى حد
وانا ليا اعداء كتير فى الوسط ومنهم واحد بيقول عليا انى سرقت الحانة واغانية وما بيننا مشاكل كتير
وعمرى ما اتكلمت علية ولا لمحت حتى
يبقى مستحيل يوم ما اتكلم يكون كلامى عن تامر
احنا جيل واحد بنكمل بعض
وتامر من اعز الناس على قلبى من قبل حتى ما نعمل لو كنا بنحبها
واللى بيننا كبير اوى
انا اتبعتلى رسايل شتايم وناس بيكلومنى بس انهم يشتموا ويقفلوا
لا عايزين يتكلموا ولا عايزين يسمعوا
اكننا فى حرب بالظبط , مفيش مراعاة انك بتكلم بنى ادم عندة شعورة واحساسة وعندى شغلى اللى عايز اركز فية
كل كلامى على اى حد بيعمل كدة وفاكر نفسة ناجح وبيوهم نفسة بالنجاح
واى حد بيفكر يعمل كدة بردو
لكن تامر اصلا ناجح والكل بيحبة وهو اقدم واحد فينا
ماينفعش حد يتكلم علية
طبعا انا كنت زعلان على زعل حسام لأن من الأول عارف انة محترم وصاحب تامر
وماينفعش نهاجمة وان الموضوع كبر بسبب سوء التفاهم
قلتلة يا حسام انت اكبر من انك تعتذر عن حاجة ماعملتهاش
والنهاردة هاعمل توبيك وكل الموقع هيرد علية واللى غلط فيك انا باقولك نيابة عنة حقك علينا كلنا
ماتزعلش يا حسام ...انت ماشى حلو اوى الله اكبر عليك والكل باصص عليك
وفى ناس عايزة توقع ما بيننا واحنا مش طوائف ولا جماعات
احنا بنحب تامر وحسام وعمرو وحماقى والناس كلها
الغنا مافيهوش مذاهب ولا اتجاهات
كلنا بنحبك وبنحترمك وبنسمعلك يا حسام
ولو فى حد شتمك او غلط فيك وحطك تحت ضغط عصبى
فدة لا يمكن يكون مننا ولا بيحب تامر ولا بيفيدة
عمر الت الأدب ما كانت نتيجة
انت مطرب مصرى شاب لسا بتشق طريقك وكلنا معاك
وتامر لافرز موقع تامر ..يعنى موقعك
اللى انت عايزة كلنا هنبقى معاك فية وباذن الله الصورة تختلف خالص
معاك فى اى برنامج على الهواء هنتصل بحب نسلم عليك ونتكلم معاك
ومعاك فى كل التصويتات
ماتزعلش يا حسام وعلى عيننا زعلكو يا محبى حسام
كلنا واحد وبنكمل بعض وعمر ما اى فنان تانى هتيجى سيرتة بالغلط غير لما نتاكد انة فعلا قاصد وغلطان فى حق تامر
تليفون حسام ليا كان تليفون لكل الرابطة
الراجل اهتم ورد علينا ورجلشنا
بنحبك ياحسام
وبنموت فيك ياتامر
واسيبك لآ ماقدرش اسيبك ...الف الدنيا علشان عينيك

اصلى يا ابو حميد جامده اخر حاجه

اصلى اخر حاجه يا احمد