حقيقة الصورة المتركبة لتامر حسنى .....بتتحارب وبنتحارب معاك

حقيقة الصورة المتركبة لتامر حسنى .....بتتحارب وبنتحارب معاك ياتامر

---

السلام عليكم ورحمة الله وبركاته

ازيكو وحشنى جدا

طبعا حقيقة الصورة المتركبة لتامر حسنى حنعرفها هنا .

ومش عايز اقول مين اللى نقلها وحطها فى السايت مش مهم المهم ان الناس متصدقش ده متصدقش ان تامر كده
فى حياتى ما شفت حرب على حد زى كدة
وفى حياتى ما هاسيبك يا تامر وهافضل معاك وعند بعند
الكلام اللى هاقولة دة فية تفاصيل للى شافوا الصورة وصدقوها
انتو شفتوها كدة عشان انتو عايزين تشوفوها كدة
انا جالى رسالة على اوف لاين من ايميل غريب على الماسنجر
فيها لينك الصورة المتركبة بتاعة تامر
ولينك الصورة الحقيقة بتاعة الشخص الحقيقى اللى راس تامر اتحطط مكانة
ومبعوت معاها رسالة ضحك وشتيمة فيا وفية
واللى باعت بيقول اما نشوف هتعرفوا تطلعوا منها ازاى المرة دى
فاكر انة كدة كسرنى وحطم تامر وخلانا نفقد الثقة فية
اللى شاف الصورة وصدقها شافها كدة عشان هو عايز يصدقها
دة مش تامر بالثلث , طبعا انا مش هاقدر انزل الصورة الحقيقة اللى اتبعتتلى
عشان الأدب والأحترام اهم من اى حاجة زى ماتامر معلمنا
لو ركزتو مكان الرقبة هتلاقوا فرق كبير فى اللون دة اولا
ثانيا تامر مش هيتصور كدة فى الشارع (الخلفية شجر)
ثالثا تامر مش هيحط نفسة فى موقف زى دة ويضيع كل حاجة
رابعا تامر مش هيبقى عارف انة بيتصور ويضحك زى البجح اللى ركبها دة ماهو مركبها على وش تامر وهو بيضحك
الفكرة كلها ان الجسم شبة جسم تامر حتى اللون قريب اوى
بس مش دة تامر باى حال من الأحوال ودة يبان اوى لاى حد بيفهم فى الصور
حرب جديدة , محنة جديدة
بس المرة دى حرب موت
حرب مش مراعى فية ربنا ولا ضميرة ولا اذى الناس اللى هيشوفوا الصورة دى
اتعملها اكبر حملة دعاية شفتها فى حياتى وانتشرب بصورة البرق على كل المواقع والأيميلات
يا جماعة بيحاربوا تامر بينا احنا
عايزين يموتوة ويقضوا علية ويكسروة باخواتة اللى واقفين معاة لأخر المشوار
عارفين ان خسارة تامر عن طريق بعدنا عنة وكرهنا لية لا قدر الله
فاكرين اننا ممكن نصدق وان دى اول مرة يطلع فيها اشاعة عن تامر
مايعرفوش ان رابطة وبيت تامر حسنى هى المكان الأول اللى بيتكدب فية الأشاعات والأحقاد
مش اللى بيتصدق وينتشر فية السفالات دى
اوحش حاجة انك تشوه سمعة وشرف فنان مالوش ذنب غير ان ربنا معاة ورازقة بحب الناس
عايز اقول ادام الدنيا كلها
تامر غير فيا حاجات كتير , ومش فيا انا بس فى ناس كتير
تامر هو اللى عرفنا يعنى اية احترام , يعنى اية تحافظ على نجاحك , يعنى اية ترضى ربك وامك
يعنى اية اللى بتعملة دلوقتى هيقعدلك وكما تدين تدان
والكلام اللى كان بيقولوا عن الصلاة لما كنا معاة فى رمضان لسا بيرن فى ودانى
بس انا عشان عارف تامر وعشان ركزت فى الصورة اتاكدت اكتر ما كنت متاكد انة مش هو
لحد ما فتحت الماسنجر وعرفت التمثلية الحقيرة
لكل واحد لسا عايز يقنع نفسة انة تامر ومصدق ان تامر يمشى كدة فى الشارع
وان تامر يتصور بالوضع دة وهو عارف انة بيتصور
وان دى اخلاق وسلوك تامر
احب اقولة ان تامر اكبر من الهيافات دى كلها وبالعقل من غير صور ولا دماغ ولا حتى عقل
ابسط حاجة تامر مش هيضيع تاريخة ونجاحة وحب الناس كلة عشان يتصور صورة زى دى
تامر بيتعرض لأغراءات وحاجات اكبر مما حد يتصور سواء مادية او سواء بشكل تانى وبتبقى بشكل مستفز
وبيقدر ربنا يحمية وتامر يحافظ علينا وعلى اسمة ويكون انسان بجد خايف على كل واحد فينا
عايز اقول للى عمل الصورة دى , اتقى الله
اتقى الله فى تامر وفى اللى انت اذيتهم بالنظر للصورة دى
ومش دى اللى هتكسرة ومش دى اللى هتبعدنا عن تامر
عشان بنحب تامر حب عقل قبل حب القلب
فعارفين كويس اوى انة بعيد كل البعد عن حاجة زى دى
وهيفضل مثل اعلى لينا كلنا مشاركنا احزاننا وافراحنا وحاسيين ببعض
واللى انت عملتة دة هيتردلك اضعاف مضاعفة
وبجد شكرا من هنا للصبح
عشان زودت حبنا لتامر وهتخلينا نقف جنبة فى المحنة اللى انت حفرتهالة
وزى كل مرة هيطلع منها اقوى واقوى واقوى واقوى
حقيقى ربنا معاك يا تامر من اللى بتشوفة
وبحق ربنا ماحدش هيقدر يشوة سمعتك واسمك ما بيننا ولا فى اى حتة
واللى بيحبوك بجد وعندهم عقل وبيعرفوا يفكروا ويميزوا
يعرفوا ان السلاح دة اتحارب بية فنانين كبار
وبردو محبيهم هما اللى طلعوهم منها
زى ما اخواتك هيحرقوا دم اللى بيكرهوك وتعتبر طلعت منها باذن الله ياتامر
مش عايز اقول ما حصلش حاجة وانا بختم الموضوع عشان اصلا مفيش حاجة حصلت عشان تنتهى
انسان مريض منعرفش مين اللى وراة , حاقد وكاره لتامر تفكيرة تفكير المراهقين
فاكر ان سلاح الصور المتركبة اسرع واسهل سلاح يتحارب بية الفنان
مايعرفش ان دة تامر حسنى
اللى عيشنا معاة بأدعيتة واول البوم دينى على الأطلاق وتصرفاتة وسلوكة اللى الكل من اصغر معجب لأكبر فنان مبهور بية
منك لله , روح ياشيخ ربنا يهديك
معاك معاك معاك ياتامر لأخر المشوار اخوات بجد على الحلوة والمره
هنعوضك عن كل لحظة حزن عيشتها بسبب مجنون او حاقد
هنهديك جوايز وتكسب استفتاءات على اد ما نقدر
وباسم كل واحد , تمسكنا بيك زاد مليون مرة عن اى مرة يا تامر
بنحبك بجد يا ملك الجيل
امضاء : كل رابطة مجنون تامر حسنى

وكلنا بتحبك يا تامر

الله يكون فى عونك يا تيمو